Zelenskyy ថា ជំនួយនៅតែត្រូវការសម្រាប់អ៊ុយក្រែន ដើម្បីទប់ទល់នឹងរុស្ស៊ី
ថ្ងៃចេញផ្សាយៈ ខែមីនា 31, 2022
គៀវ ៖ ប្រធានាធិបតីអ៊ុយក្រែនលោក Volodymyr Zelenskyy បានថ្លែងអំណរគុណដល់សេតវិមានដែលបានសន្យាផ្តល់ជំនួយផ្ទាល់ចំនួន ៥០០ លានដុល្លារបន្ថែមទៀត ប៉ុន្តែបាននិយាយថា លោកបើកចំហជាមួយលោក Biden អំពីអ៊ុយក្រែនដែលត្រូវការជំនួយបន្ថែមទៀត ដើម្បីទប់ទល់នឹងការឈ្លានពានរបស់រុស្ស៊ី។
លោកប្រធានាធិបតី Zelenskyy បាននិយាយនៅ ក្នុងសុន្ទរកថាតាមវីដេអូថា ប្រសិនបើយើងពិតជាកំពុងប្រយុទ្ធ ដើម្បីសេរីភាព និងការពារលទ្ធិប្រជាធិបតេយ្យរួមគ្នា នោះក្នុងកាលៈទេសៈនេះ យើងមានសិទ្ធិទាមទារ និងស្វែងរកជំនួយដូចជា រថក្រោះ យន្តហោះ ប្រព័ន្ធកាំភ្លើងធំ ដោយបន្ថែមថា សេរីភាពគួរតែមានប្រដាប់អាវុធ មិនអាក្រក់ជាងរបបផ្តាច់ការឡើយ។ លោកបញ្ជាក់ថា កិច្ចចរចាជាមួយរុស្ស៊ី កំពុងបន្ត ប៉ុន្តែសម្រាប់ពេលនេះ ពួកគេបានត្រឹមតែសន្យាខ្យល់ប៉ុណ្ណោះ៕