រុស្ស៊ីវាយប្រហារដោយគ្រាប់មីស៊ីលលើឃ្លាំងផ្ទុកប្រេងឥន្ធនៈមួយផ្សេងទៀតរបស់អ៊ុយក្រែន
ថ្ងៃចេញផ្សាយៈ ខែមីនា 31, 2022
គៀវ ៖ មន្ត្រីអ៊ុយក្រែន បានចោទប្រកាន់កងកម្លាំងរុស្ស៊ីថា បានបើកការវាយប្រហារដោយគ្រាប់មីស៊ីលទៅលើឃ្លាំងផ្ទុកប្រេងឥន្ធនៈមួយកន្លែង នៅជិតទីក្រុង Dnipro នៃប្រទេសអ៊ុយក្រែន។
លោក Valentyn Reznichenko អភិបាលនៃតំបន់ Dnipropetrovsk បាននិយាយថា គ្រាប់មីស៊ីលមួយ បានវាយប្រហារមកលើឃ្លាំងផ្ទុកប្រេងមួយកន្លែងក្នុងតំបន់ Dnipro ។
សូមជម្រាបថា នេះជាការវាយប្រហារមកលើឃ្លាំងផ្ទុកប្រេងឥន្ធនៈរបស់អ៊ុយក្រែន លើកទី ២ ហើយពីសំណាក់កងកម្លាំងរុស្ស៊ី ដោយប្រើគ្រាប់មីស៊ីលកម្ទេចគោលដៅ៕