Lewandowski ៖ រឿងខ្ញុំនៅ Bayern បានដល់ទីបញ្ចប់ហើយ
អាល្លឺម៉ង់ ៖ Robert Lewandowski បាននិយាយកាលពីថ្ងៃចន្ទទី៣០ ខែឧសភាថា ពេលវេលារបស់ខ្ញុំជាមួយ Bayern Munich បានចប់ហើយដោយមិនបានបញ្ជាក់អំពីផែនការអនាគតរបស់គេចំពេលមានរបាយការណ៍ថា Barcelona បានដាក់សំណើរឱ្យគេ។
ខ្សែប្រយុទ្ធសញ្ជាតិប៉ូឡូញបានប្រាប់អ្នកយកព័ត៌មាននៅទីក្រុង Warsaw ថា “ថ្ងៃនេះវាប្រាកដណាស់ថារឿងរបស់ខ្ញុំជាមួយ Bayern បានបញ្ចប់” ។ Lewandowski បានបន្ថែមថា៖ «ខ្ញុំមិននឹកស្មានដល់កិច្ចសហប្រតិបត្តិការបន្ថែមទៀតទេ បន្ទាប់ពីមានអ្វីកើតឡើងក្នុងរយៈពេលប៉ុន្មានខែចុងក្រោយនេះ។ “កិច្ចសន្យាផ្ទេរ នឹងក្លាយជាដំណោះស្រាយដ៏ល្អបំផុត។ ខ្ញុំជឿជាក់ថា Bayern នឹងមិនបញ្ឈប់ខ្ញុំនោះទេ ដោយសារពួកគេអាចធ្វើបាន”។
ជាមួយនឹងកុងត្រារបស់ Lewandowski នៅសល់មួយឆ្នាំទៀត តែ Barcelona ត្រូវបានគេរាយការណ៍ថាបានដាក់សំណើរចំនួន ៣២ លានអឺរ៉ូដើម្បីចុះហត្ថលេខាលើរូបគេ៕