Spurs បណ្តេញលោក Santos ចេញញពីតំណែង ក្រោយដឹកនាំបាន៤ខែ
ថ្ងៃចេញផ្សាយៈ ខែវិច្ឆិកា 2, 2021
អង់គ្លេស ៖ ក្រុមមាន់ខ្នាយមាស Tottenham Hotspur បានបណ្តេញលោក Nuno Santos ញពីតំណែងជាផ្លូវហើយ ក្រោយដឹកនាំបានរយៈពេលត្រឹមតែ ៤ ខែប៉ុណ្ណោះ។
Spurs បានបញ្ចប់កុងត្រាជាមួយអ្នកចាត់ការសញ្ជាតិ ព័រទុយកាល់ បន្ទាប់ពីលោកដឹកនាំក្រុមមាន់ខ្នាយមាសពុំសូវទទួលបានលទ្ធផលល្អ ជាពិសេសគឺទើបតែចាញ់ Manchester United ៣-០ នៅក្នុងពាន Premier League កាលពីរាត្រីថ្ងៃ សៅរិ៍ កន្លងទៅ។
សូមជម្រាបថា លោក Santo បានទទួលតំណែងជាអ្នកចាត់ការបន្តពីលោក Jose Mourinho កាលពីខែ មិថុនា កន្លងទៅ, ក្នុងនោះ Spurs បានផ្តល់កុងត្រាឱ្យគាត់រយៈពេល២ឆ្នាំ៕