អង់គ្លេស ៖ លោក Antonio Conte ត្រូវបាន​គេ​រាយការណ៍​ថា​បាន​យល់ព្រម​លក្ខខណ្ឌ​លើ​កិច្ចសន្យា​រយៈពេល​២​ឆ្នាំ​ដើម្បី​ក្លាយជា​អ្នកចាត់ការ​របស់ Tottenham Hotspur បន្ទាប់ពី​បណ្ដេញ​លោក Nuno Espirito Santo ចេញពី​តំណែង​។​

​ចំណែក​លោក Sergio Conceicao និង Paulo Fonseca ត្រូវបាន​គេ​លើកឡើងថា​ជា​អ្នក​ស្នង​តំណែង​ផ​ហ​ដែរ ប៉ុន្តែ​បច្ចុប្បន្ន​លោក Conte ត្រូវបាន​គេ​ចាត់ទុកថា​ជា​បេក្ខភាព​ឈានមុខ​គេ​ក្នុង​ជំនួស​តំណែង​នៅ​ទីក្រុង​ឡុង​ដ៍​ខាងជើង​។​

​យោងតាម​អ្នកកាសែត Alfredo Pedulla បាន​ឲ្យ​ដឹងថា​លោក Conte បាន​យល់ព្រម​ចូលកាន់​តំណែង​នៅ Spurs ហើយនឹង​ចុះកិច្ចសន្យា​ជាមួយ​ក្លឹប​នេះ​រហូតដល់​រដូវក្តៅ​ឆ្នាំ ២០២៣ ។​

​អតីត​គ្រូបង្វឹក​ក្លឹប Inter Milan និង Chelsea ពេលនេះ​ត្រូវបាន​គេ​រំពឹងថា​នឹង​ហោះហើរ​ទៅកាន់​ទីក្រុង​ឡុង​ដ៍​នៅថ្ងៃនេះ ដើម្បី​បញ្ចប់​ការផ្ទេរមកកាន់​ក្របខ័ណ្ឌ Premier League ជាផ្លូវការដោយ​បដិសេធ​ការចាប់អារម្មណ៍​ពី​ក្លឹប Manchester United ផងដែរ​៕