អ្នកជំនាញសន្តិសុខហៅការបង្កកទ្រព្យសម្បត្តិរុស្ស៊ីដោយលោកខាងលិចជាល្បិចប្លន់ដ៏ធំក្នុងប្រវត្តិសាស្ត្រ
បរទេស ៖ អនុលេខាក្រុមប្រឹក្សាសន្តិសុខរុស្ស៊ី Alexander Venediktov បានហៅការបង្កកទ្រព្យសម្បត្តិរុស្ស៊ីដោយបណ្តាប្រទេសលោកខាងលិចថាជាចោរប្លន់ដ៏ធំបំផុតក្នុងប្រវត្តិសាស្ត្រ។ នេះបើយោងតាមការផ្សព្វផ្សាយខណៈដែលលោកបានចែករំលែកគំនិតនេះនៅក្នុងបទសម្ភាសន៍ជាមួយ RIA Novosti ។
លោកបញ្ជាក់ថា សូមអ្នកហៅ spade ថា spade គឺជាការបង្កកទ្រព្យសម្បត្តិរបស់រុស្ស៊ី ហើយនោះជាការលួចដ៏ធំបំផុតមួយនៅក្នុងប្រវត្តិសាស្ត្ររបស់ពិភពលោក។ លោកថា ជាភាពចម្លែកនោះគឺថា អ្នករៀបចំឧក្រិដ្ឋកម្មនេះ គឺជាមនុស្សដូចគ្នា ដែលធ្លាប់ទទួលខុសត្រូវក្នុងការថែរក្សាស្ថាបត្យកម្មសេដ្ឋកិច្ចពិភពលោក។
ក្រសួងរតនាគារសហរដ្ឋអាមេរិកកាលពីថ្ងៃទី២៩ ខែមិថុនា នេះបានប្រកាសថា ក្នុងរយៈពេល ១០០ ថ្ងៃ ទ្រព្យសម្បត្តិរបស់ធនាគារកណ្តាលនៃប្រទេសរុស្ស៊ី និងប្រជាជនរុស្ស៊ីដែលស្ថិតនៅក្រោមការដាក់ទណ្ឌកម្មក្នុងចំនួនទឹកប្រាក់ជាង៣៣០ ពាន់លានដុល្លារត្រូវបានរារាំង ឬបង្កក មិនឲ្យចរាចរបាន ខណដែលការបង្កកនេះគឺផ្តើមពីសង្គ្រាមរុស្ស៊ី អ៊ុយក្រែន។ ប៉ុន្តែមន្ត្រីជំនាញសន្តិសុខរុស្ស៊ីចាត់ទុកទង្វើនោះថាជាអំពើប្លន់ដ៏ធំនិងសាហាវបំផុតក្នុងប្រវត្តិសាស្ត្រមនុស្សជាតិ៕