មេបញ្ជាការជាន់ខ្ពស់យោធាតាលីបង់ម្នាក់ស្លាប់ ក្នុងការវាយប្រហារមន្ទីរពេទ្យនៅទីក្រុងកាប៊ុល
ថ្ងៃចេញផ្សាយៈ ខែវិច្ឆិកា 4, 2021
កាប៊ុល ៖ ក្រុមមន្ត្រីអាហ្វហ្គានីស្ថានបានឲ្យដឹងកាលពីថ្ងៃពុធថា មេបញ្ជាការជាន់ខ្ពស់យោធាតាលីបង់ម្នាក់ត្រូវបានសម្លាប់ នៅក្នុងហេតុការណ៍នៃការវាយប្រហារដោយបំផ្ទុះគ្រាប់បែក និងកាំភ្លើងរបស់ពួករដ្ឋឥស្លាម មកលើមន្ទីរពេទ្យយោធាមួយកន្លែងក្នុងរដ្ឋធានីកាប៊ុល ប្រទេសអាហ្វហ្គានីស្ថាន។
លោក Hamdullah Mokhlis ជាសមាជិកនៃបណ្តាញក្រុម Haqqani និងជាមន្ត្រីនៅក្នុងកងកម្លាំងពិសេស Badri Corps គឺជាឥស្សរជនជាន់ខ្ពស់មួយ ដែលត្រូវបានសម្លាប់ ចាប់តាំងពីក្រុមតាលីបង់ដណ្តើមអំណាចកាន់កាប់ទីក្រុងកាប៊ុលមក។
សូមរម្លឹកថា មនុស្សយ៉ាងតិច១៩ នាក់ត្រូវបានសម្លាប់ និងជាង ៤១ នាក់ផ្សេងទៀតរងរបួស នៅក្នុងការវាយប្រហារ កាលពីថ្ងៃអង្គារ មកលើមន្ទីរពេទ្យយោធាដ៏ធំមួយរបស់ទីក្រុងកាប៊ុល៕