អង់គ្លេស ៖ រុស្ស៊ីនឹងផ្លាស់ប្ដូរយុទ្ធសាស្ត្រក្នុងសង្គ្រាមអ៊ុយក្រែន ក្រោយផែនការ A,B និង C បរាជ័យ
ថ្ងៃចេញផ្សាយៈ ខែកក្កដា 30, 2022
ឡុងដ៍ ៖ រដ្ឋមន្ត្រីការពារជាតិអង់គ្លេស លោក Ben Wallace បាននិយាយ កាលពីថ្ងៃសុក្រថា រុស្ស៊ី កំពុងបរាជ័យក្នុងតំបន់ជាច្រើន សម្រាប់សង្គ្រាមរបស់ខ្លួនជាមួយអ៊ុយក្រែននេះ ហើយលោកប្រធានាធិបតី Vladimir Putin អាចនឹងស្វែងរកការផ្លាស់ប្តូរយុទ្ធសាស្ត្រម្តងទៀត។
លោក Wallace បានប្រាប់ទូរទស្សន៍ Sky News ថា រុស្ស៊ី កំពុងទទួលរងបរាជ័យក្នុងការវាយដណ្ដើមយកតំបន់ជាច្រើន ហើយផែនការ A, B, និង C របស់លោក Putin បានបរាជ័យ ខណៈលោក ប្រហែលជានឹងសម្លឹងមើលផែនការ D បន្តទៀត។
សូមជម្រាបថា សង្គ្រាមឈ្លានពានរបស់រុស្ស៊ី លើអ៊ុយក្រែន អូសបន្លាយអស់រយៈពេល ៥ ខែមកហើយ ដោយគិតចាប់ពីថ្ងៃទី ២៤ ខែកុម្ភៈ មក៕