អង់គ្លេស ​៖ ក្រុម​បិសាច​ក្រហម Manchester United ត្រូវបាន​គេ​រាយការណ៍​ថា​កំពុង​ព្យាយាម​យ៉ាងខ្លាំង​ក្នុងការ​បញ្ចុះបញ្ចូល​លោក Zinedine Zidane ឱ្យមក​ជំនួស​តំណែង​លោក Ole Gunnar Solskjaer ក្នុងនាម​ជា​គ្រូបង្វឹក​ថ្មី​របស់​ក្លឹប​។​

​លោក Solskjaer នៅតែ​ស្ថិតក្នុង​តំណែង​របស់គាត់​នៅ Old Trafford ទោះបី​ជាមាន​ទម្រង់​លេង​មិនសូវ​ល្អ​ក៏ដោយ ប៉ុន្តែ​អនាគត​របស់​គ្រូបង្វឹក​សញ្ជាតិ​ន័​រវេ​ស​ជាមួយ​បិសាច​ក្រហម​ហាក់​នូវ​ស្រពិចស្រពិល​។​

​លោក Brendan Rodgers គ្រូបង្វឹក​របស់ Leicester City នៅតែ មាន​ទំនាក់ទំនង​យ៉ាងខ្លាំង​ក្នុងការ​ទៅ​ដឹកនាំ​ក្លឹប​បិសាច​ក្រហម ប៉ុន្តែ​បើ​យោងតាម​កាសែត The Times បានឱ្យដឹងថា Man United កំពុង​ព្យាយាម​បញ្ចុះបញ្ចូល​លោក Zidane ឱ្យ​កាន់តំណែង​នេះ​។​

​ទោះបីជា​យ៉ាងណាក៏ដោយ បិសាច​ក្រហម​សង្ឃឹមថា​ទំនាក់ទំនង​ជិតស្និទ្ធ​របស់លោក Zidane ជាមួយ​អតីត​កីឡាករ​របស់​ក្លឹប Real Madrid គឺ Cristiano Ronaldo និង Raphael Varane អាច​នាំ​ឲ្យ​គាត់ ទទួលយក​បញ្ហា​ប្រឈម​នៅ Man Utd៕