អាមេរិក គ្រោងដាក់ពង្រាយយន្តហោះទម្លាក់គ្រាប់បែក B-52 នៅភាគខាងជើងប្រទេសអូស្ត្រាលី
វ៉ាស៊ីនតោន៖ សហរដ្ឋអាមេរិក គ្រោងនឹងដាក់ពង្រាយយន្តហោះទម្លាក់គ្រាប់បែក B-52 ដែលមានសមត្ថភាពនុយក្លេអ៊ែររហូតដល់ទៅ ៦ គ្រឿង ទៅកាន់មូលដ្ឋានទ័ពអាកាសនៅភាគខាងជើងប្រទេសអូស្ត្រាលី។
ប្រភពដែលសុំមិនបញ្ចេញឈ្មោះ បានឲ្យដឹងថា គ្រឿងបរិក្ខារពិសេសរបស់យន្តហោះនេះ នឹងត្រូវដំឡើងនៅឯមូលដ្ឋាន Tindal ដាច់ស្រយាលរបស់កងទ័ពអាកាសអូស្ត្រាលី ដែលមានចម្ងាយប្រហែល ៣០០ គីឡូម៉ែត្រ (១៩០ ម៉ាយ) ភាគខាងត្បូងនៃទីក្រុង Darwin ដែលជារដ្ឋធានីនៃទឹកដីភាគខាងជើងប្រទេស។
ទន្ទឹមនោះ នាយករដ្ឋមន្ត្រីលោក Anthony Albanese បាននិយាយថា អូស្ត្រាលី នឹងចូលរួមជាមួយសហរដ្ឋអាមេរិក លើសម្ព័ន្ធភាពការពារជាតិពីមួយទៅមួយ។ គួរបញ្ជាក់ថា ដែនដីភាគខាងជើងរបស់ប្រទេសអូស្ត្រាលី នឹងក្លាយជាម្ចាស់ផ្ទះសម្រាប់កិច្ចសហប្រតិបត្តិការយោធាជាញឹកញាប់ជាមួយសហរដ្ឋអាមេរិក៕