ពួកតាលីបង់ប៉ាគីស្ថាន ចាប់ផ្ដើមវាយប្រហារនៅទូទាំងប្រទេសឡើងវិញ ក្រោយបញ្ចប់បទឈប់បាញ់រយៈពេល ៦ ខែជាមួយរដ្ឋាភិបាល
ថ្ងៃចេញផ្សាយៈ ខែវិច្ឆិកា 30, 2022
អ៊ីស្លាម៉ាបាដ៖ Tehrik-e-Taliban Pakistan (TTP) – សម្ព័ន្ធមិត្តតាលីបង់របស់ប៉ាគីស្ថាន បានបញ្ចប់បទឈប់បាញ់រយៈពេល ៦ ខែ ជាមួយរដ្ឋាភិបាលជាតិ ហើយបញ្ជាឱ្យយុទ្ធជនរបស់ខ្លួនចាប់ផ្តើមវាយប្រហារនៅទូទាំងប្រទេសឡើងវិញ។
ការប្រកាសនេះ ធ្វើឡើងមួយថ្ងៃមុនពេលឧត្តមសេនីយ លោក Qamar Javed Bajwa ដែលយល់ព្រមលើកិច្ចព្រមព្រៀងសន្តិភាពដែលសម្របសម្រួលដោយក្រុមតាលីបង់អាហ្វហ្គានីស្ថាននៅទីក្រុងកាប៊ុល ត្រូវបញ្ចប់អាណត្តិ។
គួរបញ្ជាក់ថា ការបះបោររបស់សម្ព័ន្ធមិត្ត TTP បានផ្ទុះឡើងអស់រយៈពេល ១៤ ឆ្នាំមកហើយ ខណដែលក្រុមនេះទាមទារឱ្យមានការប្រកាន់ខ្ជាប់យ៉ាងតឹងរ៉ឹងចំពោះច្បាប់អ៊ីស្លាម ហើយក្រុង Islamabad ចង់ឱ្យក្រុមនេះផ្តាច់ទំនាក់ទំនងទាំងអស់ជាមួយពួកសកម្មប្រយុទ្ធរដ្ឋអ៊ីស្លាម៕