មនុស្ស៦នាក់ស្លាប់ និង៣៧នាក់របួស ក្រោយភ្លើងឆេះផ្លូវហាយវ៉េបិទជិត នៅកូរ៉េខាងត្បូង
ថ្ងៃចេញផ្សាយៈ ខែធ្នូ 30, 2022
សេអ៊ូល៖ អាជ្ញាធរកូរ៉េខាងត្បូង បានបញ្ជាក់ កាលពីថ្ងៃព្រហស្បតិ៍ថា មនុស្ស ៦ នាក់ស្លាប់ ក្រោយការប៉ះទង្គិចគ្នារវាងរថយន្តដឹកទំនិញ និងរថយន្តក្រុង លើផ្លូវរូងក្រោមដីផ្លូវហាយវេមួយកន្លែង នៅជាយក្រុងសេអ៊ូល បង្កឲ្យមានអគ្គីភ័យឆាបឆេះ។
អាជ្ញាធរ បន្ថែមថា ជាលទ្ធផលនៃអគ្គីភ័យនៅផ្លូវ Gwacheon បានឆេះរីករាលដាលយ៉ាងឆាប់រហ័សលើរចនាសម្ព័ន្ធផ្សេងទៀតដែលនៅជុំវិញនោះ ខណមនុស្ស ៣៧ នាក់ផ្សេងទៀតបានរងរបួស។
ទន្ទឹមនោះ សេវាកម្មសង្គ្រោះបន្ទាន់ជាតិ ក៏កំពុងគ្រប់គ្រងស្ថានភាពភ្លើងនៅកន្លែងកើតហេតុដែលបានកើតឡើង នៅម៉ោង ១៣ និង ៥០ នាទី (ម៉ោងក្នុងស្រុក) ៕