ប៉ាគីស្ថាន៖ ចំនួនអ្នកស្លាប់នៅក្នុងការបំផ្ទុះគ្រាប់បែកអត្តឃាតដែលទំនង ជាដាក់គោលដៅលើកងកម្លាំងនគរបាលដែលកំពុងធ្វើពិធីបួងសួងនៅក្នុងព្រះវិហារអ៊ីស្លាមក្នុងទីក្រុង Peshawar ប្រទេសប៉ាគីស្ថានបានកើនឡើងដល់៥៩នាក់ ។ ព្រះវិហារនេះត្រូវបានយាមកាមយ៉ាងតឹងរ៉ឹងដោយនគរបាល។

លោកនាយករដ្ឋមន្ត្រី Shehbaz Sharif បាននិយាយថា ក្រុមភេរវករចង់បង្កការភ័យខ្លាចដោយការដាក់​គោលដៅលើអ្នកទាំងឡាយដែលបំពេញតួនាទីការពារប្រទេសប៉ាគីស្ថាន។

ក្រុមតាលីបង់នៅប្រទេសប៉ាគីស្ថានបានទាត់ចោលរាល់ការជាប់ពាក់ព័ន្ធ ក្រោយមានការអះអាង​បឋម​ដោយមេបញ្ជាការមួយរូបរបស់ខ្លួន៕