ដឹងកាលវិភាគនៃការប្រកួតរបស់ក្រុម U23 កម្ពុជានៅជប៉ុន
ភ្នំពេញ ៖ កាលវិភាគនៃការប្រកួតក្នុងពានរង្វាន់ 2022 AFC U23 ASIAN CUP របស់ក្រុមជម្រើសជាតិកម្ពុជាអាយុក្រោម ២៣ ឆ្នាំបានចេញជាផ្លូវការហើយ ដោយកម្ពុជាស្ថិតក្នុងពូល K ជាមួយម្ចាស់ផ្ទះជប៉ុន និងហុងកុង។
សម្រាប់ការប្រកួតដំបូងរបស់ក្រុមជម្រើសជាតិកម្ពុជាអាយុក្រោម ២៣ ឆ្នាំ គឺនៅថ្ងៃទី ២៣ ខែ តុលា ឆ្នាំ ២០២១ វេលាម៉ោង ១១៖០០ នាទីព្រឹក (ម៉ោងនៅកម្ពុជា) ដោយត្រូវប៉ះជាមួយនឹងក្រុមជម្រើសជាតិហុងកុងអាយុក្រោម ២៣ ឆ្នាំ នៅកីឡាដ្ឋាន J-VILLAGE ក្នុងប្រទេសជប៉ុន។
ដោយឡែកសម្រាប់ការប្រកួតចុងក្រោយ របស់ក្រុមជម្រើសជាតិកម្ពុជាអាយុក្រោម ២៣ ឆ្នាំ គឺនៅថ្ងៃទី ២៦ ខែ តុលា ឆ្នាំ ២០២១ វេលាម៉ោង ១១៖០០ នាទីព្រឹក (ម៉ោងនៅកម្ពុជា) ពោលគឺ ៣ ថ្ងៃបន្ទាប់ពីការប្រកួតទី ១ ដោយក្រុមកម្ពុជាត្រូវប៉ះជាមួយម្ចាស់ផ្ទះក្រុមជម្រើសជាតិជប៉ុនអាយុក្រោម ២៣ ឆ្នាំ នៅកីឡាដ្ឋាន J-VILLAGE ដដែល។
គួរបញ្ជាក់ថា ២ ប្រកួតរបស់ក្រុមជម្រើសជាតិកម្ពុជាអាយុក្រោម ២៣ ឆ្នាំ នៅក្នុងពូល K នេះគឺសុទ្ធសឹងតែជាការប្រកួតដែលលំបាក ដោយត្រូវប៉ះក្រុមដែលមិនអាចមើលរំលងបាន ជាពិសេសគឺក្រុមម្ចាស់ផ្ទះជប៉ុនតែម្ដង៕
