នារីកម្ពុជា សល់ឱកាសដណ្តើមមេដាយសំរឹទ្ធ ក្រោយចាញ់ក្រុមវៀតណាម វគ្គពាក់កណ្តាលវគ្គផ្តាច់ព្រ័ត្រ
ថ្ងៃចេញផ្សាយៈ ខែឧសភា 13, 2023
ភ្នំពេញ ៖ ក្រុមបាល់ទាត់នារីកម្ពុជា នៅសល់ឱកាសដណ្តើមមេដាយសំរឹទ្ធ ក្រោយចាញ់ក្រុមវៀតណាម ៤-០ ក្នុងវគ្គពាក់កណ្តាលវគ្គផ្តាច់ព្រ័ត្រ នៃព្រឹត្តិការណ៍កីឡាស៊ីហ្គេម២០២៣ ដែលការប្រកួតធ្វើឡើងនៅពហុកីឡដ្ឋានជាតិអូឡាំពិក ។
ស្ថិតក្នុងក្រុមវគ្គពាក់កណ្តាលវគ្គផ្តាច់ព្រ័ត្រនេះ ក្រុមនារីមីយ៉ាន់ម៉ា បានយកឈ្នះក្រុមនារីថៃ លទ្ធផល ៣-២ ដែលការប្រកួតធ្វើឡើងនៅកីឡដ្ឋានស្តាតចាស់។
សូមបញ្ជាក់ផងថា ការប្រកួតដណ្តើមមេដាយសំរឹទ្ធ គឺជាការប៉ះគ្នារវាងក្រុមនារីកម្ពុជា និងនារីថៃ ហើយការប្រកួតវគ្គផ្តាច់ព្រ័ត្រដណ្តើមមេដាយមាស នៃវិញ្ញាសាកីឡាបាល់ទាត់ផ្នែកនារី ជាការប៉ះគ្នារវាងក្រុមវៀតណាម និងក្រុមនារីមីយ៉ាន់ម៉ា ធ្វើឡើងនៅថ្ងៃទី១៥ ខែឧសភា ឆ្នាំ២០២៣។