ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសឲ្យកីឡាករជនបរទេសទាំងអស់ដែលបានមកចូលរួមស៊ីហ្គេមអាចទៅទស្សនាប្រាសាទអង្គរវត្តបានដោយមិនគិតប្រាក់។

សម្ដេចថ្លែងបែបនេះនៅក្នុងពិធីប្រគល់សញ្ញាបត្រជូននិស្សិតសកលវិទ្យាល័យកសិកម្មចំនួន៣ នៅព្រឹកថ្ងៃទី១៥ ខែឧសភា ឆ្នាំ២០២៣ នេះនៅមជ្ឈមណ្ឌលកោះពេជ្រ

សម្តេតេជោបានបញ្ជូនសារនេះទៅដល់គ្រឹះស្ថានអង្គរឱ្យជួយសម្របសម្រួលទៅដល់កីឡាករបរទេសនិងប្រតិភូកីឡាករស៊ីហ្គេមទាំងអស់ប្រសិនជាពួកគេបានទៅទស្សនានៅតំបន់អង្គរ។

សម្ដេចថា នេះគឺជាការជួយឲ្យបរទេសកាន់តែស្គាល់កម្ពុជាកាន់តែច្បាស់បន្ទាប់ពីមិនយកថ្លៃស្នាក់នៅរបស់កីឡាករ និងមិនគិតថ្លៃផ្សាយរបស់ទូរទស្សន៍បរទេស។ ការមិនគិតថ្លៃនេះគឺសម្រាប់តែកីឡាករនិងប្រតិភូកីឡាប៉ុណ្ណោះ ខណៈអ្នកគាំទ្រនឹងត្រូវគិតថ្លៃធម្មតា៕