មេនឆេស្ទើ ៖ Manchester United នឹង​ត្រលប់​មកវិញ​ក្នុងការ​ប្រកួត Champions League រដូវ​កាល​ក្រោយ​បន្ទាប់ពី​ពួកគេ​បាន​យកឈ្នះ Chelsea ៤-១ កាលពី​ថ្ងៃ​ព្រហស្បតិ៍ ដើម្បី​ទទួលបាន​ចំណាត់ថ្នាក់​កំពូល​ទាំង​បួន​នៅ Premier League​។​

Casemiro, Anthony Martial, Bruno Fernandes (​ប៉េ​ណា​ល់​ទី​) និង Marcus Rashford រកបាន​ម្នាក់​មួយគ្រា​ប់​ឱ្យ Man Utd ដែល​ត្រូវការ​ពិន្ទុ​ពី​ការប្រកួត​លី​ក​២​ប្រកួត​ចុងក្រោយ​របស់​ពួកគេ ដើម្បី​បញ្ចប់​ក្តីសង្ឃឹម​របស់ Liverpool ក្នុងការ​ទទួលបាន​កៅអី​មួយ​ក្នុងការ​ប្រកួត​ក្លឹប​កំពូល​នៅ​អឺរ៉ុប​។​

​ម្ចាស់​ជើងឯក​ទ្វីបអឺរ៉ុប​៣​សម័យកាល Man Utd ដែល​ខកខាន​មិនបាន​ចូល​លេង​ក្នុង​ក្របខ័ណ្ឌ Champions League កាលពី​រដូវ​កាល​មុន ហើយ​បច្ចុប្បន្នកំពុង​ឈរ​នៅ​លេខ​រៀង​ទី ៣ ដោយមាន​៧២ ពិន្ទុ ខណៈ​នៅសល់​មួយ​ប្រកួត​ទៀត ដោយ​ដាច់​ពី​ក្រុម​លេខ ៥ Liverpool ចំនួន ៦ ពិន្ទុ​។​

​ក្រុម Newcastle ឈរ​នៅ​លេខ​រៀង​ទី ៤ ទទួលបាន​កៅអី​មួយ​ក្នុងចំណោម​ពាន​អឺរ៉ុប បន្ទាប់ពី​ប្រកួត​ស្មើ​ជាមួយ​ក្រុម Leicester City កាលពី​ថ្ងៃ​ចន្ទ​។ Chelsea បច្ចុប្បន្ន ឈរ​នៅ​លេខ​រៀង​ទី​១២ មាន​៤៣​ពិន្ទុ​៕
​