ក្រុងឡុងដ៍ ៖ ក្រុម​តោ​ខៀវ Chelsea បានបញ្ជាក់​ពី​ការតែងតាំង​លោក Mauricio Pochettino ជា​អ្នកចាត់ការ​ទូទៅ​ថ្មី បន្ទាប់ពី​អតីត​អ្នកចាត់ការ Tottenham Hotspur និង Paris St Germain រូបនេះ​បាន​ចុះកិច្ចសន្យា​រយៈពេល ២ ឆ្នាំ​ជាមួយនឹង​ជម្រើស​មួយឆ្នាំ​ទៀត​។​

​គ្រូបង្វឹក​សញ្ជាតិ​អា​ហ្ស​ង់​ទីន Pochettino វ័យ​៥១ ឆ្នាំ​នឹង​ចូលកាន់​តំណែង​ជំនួស​គ្រូបង្វឹក​បណ្តោះអាសន្ន​លោក Frank Lampard នៅ​ថ្ងៃទី ១ ខែកក្កដា​។ Chelsea បានបញ្ចប់​ក្នុង​ចំណាត់ថ្នាក់​ទី​១២ ក្នុង​លី​គ​កំពូល​អង់គ្លេស Premier League នា​រដូវ​កាល​នេះ​៕