តេ​ហេ​រ៉ង់​៖ ឧ​ត្ត​ម​សេនីយ Amir Ali Hajizadeh មេបញ្ជាការ​កងកម្លាំង​អវកាស បាន​និយាយថា កងកម្លាំង​អាកាស​នៃ​កង​ឆ្មាំ​បដិវត្តន៍​អ៊ីស្លាម (​អង្គភាព​យោធា​វរជន​របស់​អ៊ីរ៉ង់​) បាន​បាញ់​សាកល្បង​ដោយ​ជោគជ័យ​នូវ​មី​ស៊ី​ល​ល្បឿន​លឿន​ជាង​សំឡេង​ថ្មី​មួយ​។​

ទីភ្នាក់ងារសារព័ត៌មាន Tasnim បាន​ដកស្រង់​សម្តី​លោក ដែល​និយាយថា មី​ស៊ី​ល​ល្បឿន​លឿន​ជាង​សំឡេង​ថ្មី​នេះ​ត្រូវបាន​បាញ់​សាកល្បង​ដោយ​ជោគជ័យ ហើយនឹង​ត្រូវដាក់​បង្ហា​ញ​ក្នុងពេល​ឆាប់ៗ​នេះ​។

លោក បន្តថា មី​ស៊ី​ល​នេះ​នឹង​អាច​ឆ្លងកាត់​ប្រព័ន្ធ​ការពារ​មី​ស៊ី​ល​របស់​សត្រូវ និង​តំណាងឱ្យ​របកគំហើញ​ដ៏​សំខាន់​នៅក្នុង​វិស័យ​វិស្វកម្ម​មី​ស៊ី​ល​អ៊ីរ៉ង់​។​ លោក Hajizadeh បាន​បញ្ជាក់ថា មី​ស៊ី​ល​ថ្មី​នេះ នឹង​អាច​អភិវឌ្ឍ​ល្បឿន ១២-១៣ Mach (14,700 km/h – 15,925 km/h) និង​អាច​ហោះ​បាន​ទាំង​ក្នុង និង​ក្រៅ​បរិយាកាស​៕