ខេត្តត្បូងឃ្មុំ៖ ​រថយន្តម៉ាក lexus 400h ពណ៌ស ពាក់ស្លាកលេខភ្នំពេញ 2.AH 6173 បានដឹកបទល្មើសព្រៃឈើចេញពីខេត្តមណ្ឌលគិរី ឆ្លងកាត់ស្រុកកែវសីមា  ស្រុកស្នួលខេត្តក្រចេះ បានដោយរលូន ក៏ប៉ុន្តែពេលចូលដល់ទឹកដីស្រុកមេមត់ ខេត្តត្បូងឃ្មុំត្រូវបានបង្ក្រាបតែម្ដង នៅថ្ងៃទី២ ខែមិថុនា ឆ្នាំ២០២៣ នេះ។

បច្ចុប្បន្នសមត្ថកិច្ចជំនាញពាក់ព័ន្ធបានវាស់វែងឈើនៅក្នុងរថយន្ត ដើម្បីកសាងសំណុំរឿងបញ្ជូនចាត់ការតាមនីតិវិធីផ្លូវច្បាប់។

តាមសេចក្តីរាយការណ៍ថា មិនមែនមានតែរថយន្តដែលបានបង្ក្រាបបានខាងលើនេះទេ..មានរថយន្តម៉ាកផ្សេងៗទៀត កំពុងតែធ្វើចរាចរណ៍លើដងផ្លូវចេញពីខេត្តមណ្ឌលគិរីឆ្លងកាត់ ខេត្តក្រចេះ ឆ្លងកាត់ខេត្តត្បូងឃ្មុំ ទៅខេត្តព្រៃវែង និងរាជធានីភ្នំពេញ៕ ដោយ៖ ផល្លិត ហៅបូរ៉ា