យប់នេះ! កម្ពុជាបន្តជួបម៉ុងហ្គោលី នៃវគ្គជម្រុះជើងឯកយុវជនអាស៊ី AFC U23
ភ្នំពេញ៖ នៅវេលាម៉ោង៨៖០០នាទីយប់នេះ ក្រុមបាល់ទាត់ជម្រើសជាតិអាយុក្រោម ២៣ឆ្នាំកម្ពុជា នឹងបន្តជួបក្រុមម៉ុងហ្គោលី ក្នុងជំនួបទី២ពូល J នៃវគ្គជម្រុះជើងឯកយុវជនអាស៊ី AFC U23 Asian Cup Qatar 2024 ដែលការប្រកួតធ្វើនៅកីឡដ្ឋាន Prince Sultan Bin Abdulaziz Sports City ប្រទេសអារ៉ាប់ប៊ីសាអូឌីត។
សម្រាប់ជំនួបទី១ ក្រុម U23 កម្ពុជា ធ្វើបានត្រឹមស្មើជាមួយលីបង់ ក្នុងលទ្ធផល ១-១ ខណៈក្រុមម៉ុងហ្គោលី ប្រកួតចាញ់ក្រុមម្ចាស់ផ្ទះអារ៉ាប់ប៊ីសាអូឌីត ដោយលទ្ធផល ៣-០ ។ តាមរយៈលទ្ធផលនេះធ្វើឲ្យក្រុមម្ចាស់ផ្ទះអារ៉ាប់ប៊ីសាអូឌីត ឈរលេខពូល J ជាបណ្ដោះអាសន្នក្រោយឆ្លងកាត់១ប្រកួតមាន៣ពិន្ទុ ស្របពេលកម្ពុជា ឈរលេខ៣ ពីក្រោមលីបង់។
បញ្ជាក់ផងថា ក្រុមជម្រើសជាតិ U23 កម្ពុជា ដែលស្ថិតក្រោមការដឹកនាំរបស់គ្រូបង្វឹកជនជាតិជប៉ុន លោក Gyotoku Koji នឹងបន្តប្រកួតបញ្ចប់ពូលជាមួយក្រុមម្ចាស់ផ្ទះអារ៉ាប់ប៊ីសាអូឌីត នាថ្ងៃទី១២ ខែកញ្ញាខាងមុខ៕