កូនប្រុសលោក ចូ បៃដិន ប្រឈមនឹងការចោទប្រកាន់ចំនួនបីក្នុងករណីប្រើប្រាស់អាវុធ
វ៉ាស៊ីនតោន៖ គណៈវិនិច្ឆ័យធំរបស់សហព័ន្ធក្នុងរដ្ឋ Delaware បានចោទប្រកាន់លោក Hunter កូនប្រុសរបស់ប្រធានាធិបតីអាមេរិក Joe Biden ពីបទកាន់កាប់កាំភ្លើងដោយខុសច្បាប់ និងនិយាយកុហកអំពីទម្លាប់ប្រើប្រាស់គ្រឿងញៀនរបស់គាត់ ដើម្បីទទួលបានអាវុធ។ នេះបើយោងតាមការចោទប្រកាន់ដែលបានចេញផ្សាយកាលពីថ្ងៃព្រហស្បតិ៍។
លោក Biden បានធ្វើសេចក្តីថ្លែងការណ៍ជាលាយលក្ខណ៍អក្សរមិនពិតនិងប្រឌិតដោយចេតនា ទៅកាន់ឈ្មួញអាវុធដែលមានអាជ្ញាប័ណ្ណប្រើប្រាស់ កាលពីខែតុលា ឆ្នាំ ២០១៨ ដោយលោកនិយាយថា គាត់មិនមែនជាអ្នកញៀនថ្នាំតាមទម្រង់នៃការត្រួតពិនិត្យសាវតារដែលតម្រូវឱ្យទិញកាំភ្លើងនោះទេ។ នេះបណ្តាលឱ្យគាត់ទិញកាំភ្លើង Colt Cobra 38SPL ដោយដឹងថាក្នុងនាមជាអ្នកញៀនថ្នាំគាត់មិនត្រូវបានអនុញ្ញាតឱ្យមានកាំភ្លើងនោះទេ។
កាំភ្លើងខ្លីត្រូវបានបោះចោលទៅក្នុងធុងសំរាមនៅខាងក្រៅហាងលក់គ្រឿងទេស Wilmington រដ្ឋ Delaware ដោយ Hallie Biden ភរិយារបស់បងប្រុស Beau របស់ Hunter ដែលបានក្លាយជាគូស្នេហ៍របស់ Hunter តាំងពីពេលនោះមក ដោយសារនាងខ្លាចថាគាត់នឹងប្រើកកាំភ្លើងនោះ។ លុះពេលនាងត្រឡប់ទៅយកកាំភ្លើងវិញ ក៏បាត់ទៅហើយ ។ សេវាសម្ងាត់អាមេរិកក៏ត្រូវបានចោទប្រកាន់ថាបានព្យាយាមបិទបាំងឧប្បត្តិហេតុទាំងអស់ខាងលើនេះផងដែរ៕