អ្នកស្លាប់ដោយសារកូវីដ១៩ នៅអឺរ៉ុបខាងកើត កើនលើស១លាននាក់
អឺរ៉ុប ៖ ការស្លាប់ដោយសារជំងឺកូវីដ១៩នៅអឺរ៉ុបខាងកើតបានកើនឡើងលើស១ លាននាក់ហើយកាលពីថ្ងៃព្រហស្បតិ៍ ស្របពេលដែលវីរុសបំប្លែងខ្លួន Omicron កំពុងគំរាមកំហែងវាយលុកក្នុងតំបន់ ខណៈប្រទេសចំនួន៣ក្នុងចំណោមប្រទេសទាំង៨ដែលរាយការណ៍ថា ចំនួនអ្នកស្លាប់ប្រចាំថ្ងៃខ្ពស់បំផុតនៅអឺរ៉ុបគឺមកពីតំបន់បូព៌ា រួមមាន រុស្ស៊ី ប៉ូឡូញ និងអ៊ុយក្រែន។
តំបន់អឺរ៉ុបខាងកើត មានប្រជាជនរស់នៅប្រហែល ៣៩ភាគរយនៃចំនួនប្រជាជនសរុបនៅទូទាំងតំបន់អឺរ៉ុប ដែលបានរាយការណ៍ពីចំនួនអ្នកស្លាប់ដោយសារកូវីដ១៩ ច្រើនជាងពាក់កណ្តាលនៃចំនួនអ្នកស្លាប់សរុបនៅទូទាំងតំបន់អឺរ៉ុបនៅថ្ងៃព្រហស្បតិ៍សប្ដាហ៍នេះ បានកើនឡើងដល់ ១,០៤៥,៤៥៤នាក់ហើយ ខណៈអ្នកស្លាប់សរុប នៅទូទាំងតំបន់អឺរ៉ុបមានចំនួន ១,៨៧៣,២៥២នាក់។
តំបន់អឺរ៉ុបខាងកើតរួមមាន ៖ បេឡារុស្ស ប៊ុលហ្គារី សាធារណរដ្ឋឆេក ហុងគ្រី ម៉ុលដាវី ប៉ូឡូញ រូម៉ានី រុស្ស៊ី ស្លូវ៉ាគី និងអ៊ុយក្រែន។ប៉ុន្តែករណីឆ្លងវីរុសបំប្លែងថ្មី Omicron ត្រូវបានគេរកឃើញតិចតួចបំផុតនៅតំបន់អឺរ៉ុបខាងកើត ផ្ទុយពីតំបន់អឺរ៉ុបខាងលិច ដែលករណីឆ្លងប្រចាំថ្ងៃបានឈានដល់ការបំបែកកំណត់ត្រា៕